![GSH APP](https://gazetashqiptare.al/wp-content/uploads/2022/04/gshok.jpg)
![Download on Apple Store](https://balkanweb.com/wp-content/uploads/2019/01/ios.jpg)
![Get it on Google Play](https://gazetashqiptare.al/wp-content/uploads/2022/04/android-app.png)
Ministria e Brendshme e Rusisë ka shtuar zëdhënësin e gjigantit amerikan të teknologjisë Meta, Andy Stone në listën e të kërkuarve, njoftoi agjencia shtetërore ruse e lajmeve TASS.
Stone “kërkohet sipas një neni të Kodit Penal të Federatës Ruse”, raportoi agjencia, duke cituar bazën e të dhënave të ministrisë. Arsyeja pse Stone u shtua në listë nuk u tregua, sipas raportit.
Në vitin 2022, pas pushtimit të gjithanshëm të Ukrainës nga Rusia, Moska e caktoi zyrtarisht kompaninë amerikane të teknologjisë – e cila zotëron Facebook, Instagram dhe WhatsApp – si një organizatë “terroriste dhe ekstremiste”. Kjo hapi derën për procedura më të rënda ligjore kundër përdoruesve të saj në vend.
Platformat e mediave sociale perëndimore si Facebook, Instagram dhe X (i njohur më parë si Twitter) u ndaluan nga Rusia dhe janë të aksesueshme në vend vetëm përmes VPN-ve.
Të dielën, autoritetet ruse thanë gjithashtu se rrëzuan 24 dronë ukrainas. Një ditë më parë, Rusia kishte nisur sulmin më të madh ajror kundër Ukrainës që nga fillimi i pushtimit të saj, duke bllokuar vendin me 75 drone Shahed.